Látið pólverjana læra íslensku!

Er svo hjartanlega sammála Þórarni Jóhanni Jónssyni í Noregi. Látið pólverjana læra íslensku. Þegar við fjölskyldan fluttum til Danmerkur urðum við að læra dönsku/rifja upp. Börnin okkar voru sett í sérkennslu með það sama og voru farin að tala hana reiprennandi eftir 2 mánuð. Það tók okkur fullorða fólkið lengri tíma þá sérstaklega með framburð og áherslur á orðin. Errrrrrið niður í kok.

Mér dettur í hug frásögn tengdasonar míns (sjómaður)sem kom í land á Ísafirði og hafði erindi á læknavaktina. Hann vissi ekki hvar hana var að finna og var þetta eldsnemma morgunns. Hann létti mikið þegar hann mætti manni og vatt sér að honum og spurði en því miður maðurinn skildi ekki hvað um var spurt. Hann hélt áfram og öðrum manni mætti hann en fór á sama veg. Nú var engin alvara á ferðum hér en hvað ef svo hefði verið.

Sammála. Lærum af reynslu annara landa og fáum betri þjóðfélagsþegna. Pólverjanna vegna.