Jóhanna Ragnarsdóttir

Mér brá illilega í brún þegar ég sá TV2 News hér í Danmörku í dag og frétt frá Íslandi birtist á skjánum. Óeirðir á Íslandi. Sorglegt að sjá.

Gat það verið að þetta væri frétt frá heimalandi mínu? Jú þetta var rétt og á eftir kom viðtal við sendiherra dana á Íslandi þar sem hann sagði að íslendingar krefjast afsagnar Geirs og Davíðs. Þetta eru líka spurningar sem maður fær hérna um hvort önnur lönd eigi að leggja fram hjálp ef sömu menn sem stjórnað hafa landinu eigi að taka á móti þeim peningunum. Ég á erfitt með að sjá þetta gerast hérna í Danmörku. Hér myndu menn segja af sér og ef ekki yrðu þeir pressaðir til þess eða hreinlega reknir. Alveg ótrúlegt finnst manni. Það er líka svo sorglegt að sjá reíðina og heiftina í fólki en við höfum líka fengið að sjá friðsamlega mótmælafundi sem betur fer.

Sorglegt að lesa um Mark Cumara sem á að fara úr landi frá fjölskyldu sinni. Þetta sér maður mörg dæmi um hér í Danmörku og segir alltaf við sjálfan sig að þetta mundi ekki gerast á Íslandi. En hvað svo? Blasir svona frétt við mér í tölvunni minni. Ég verð sorgmædd við að lesa þetta. Hvað fær stjórnvöld til að senda þennan unga mann úr landi annað en reglur. Gefið í það minnsta frest.

Mikið rosalega væri gaman að vera á Íslandi núna. Verð að bíða og sjá hvort danska sjónvarpið segir frá þessum merkilega atburði.´Það er akkúrat á svona stundu sem maður er ekstra stolltur af þjóðerni sínu. Til hamingju íslendingaróg drífið ykkur í bæinn þótt hann rigni. Gerið bara eins og danski krónprinsinn og frú. Farið í regnföt.